Pinalawig ng apat na buwan ni Pangulong Ferdinand Bongbong Marcos Jr. ang termino ni PNP Chief Police General Benjamin Acorda Jr.
Ito’y matapos magdiwang si Chief Acorda ng kanyang ika-limampu’t anim na kaarawan kasabay ng mandatory retirement age sa PNP.
Sa liham ng pangulo kay Chief Acorda, sinabing extended ang termino ng PNP Chief hanggang sa Marso 31, 2024.
Sinabi ni PBBM na binigyan ng extension si Acorda dahil matagumpay nitong napamunuan ang pambansang pulisya.
Sa ilalim ng Executive Order No. 136 Series of 1999, may kapangyarihan ang pangulo na i-extend ang serbisyo ng presidential appointees kahit lagpas na sa sila sa compulsory retirement age, batay sa exemplary meritorious reasons o kung ang kaukulang opisyal ay nagpakita ng magandang performance sa tungkulin. - sa panulat ni Jeraline Doinog
