Ipinag-utos na ng Department of Transportation (DOTr) sa Land Transportation Franchising and Regulatory Board (LTFRB) na gamitin na ang buong pwersa nito laban sa mga Angkas driver na magpupumilit pa ring mag-operate.
Ito’y sa kabila ng desisyon ng Korte Suprema na pigilan ang pagpapahintulot ng Mandaluyong Regional Trial Court (RTC) na magbalik-operasyon ang Angkas.
Hinimok naman ni Transportation Secretary Arthur Tugade ang Angkas na sumunod sa kautusan ng Supreme Court.
Bilang tugon sa temporary restraining order (TRO) ng high tribunal, nag-issue ang LTFRB ng resolusyon noong December 12 na nag-uutos sa mga enforcer nito na hulihin ang mga Angkas driver at i-impound ang kanilang mga motorsiklo.
