Ikinatuwa ng Center for International Law ang ipinalabas na temporary protection order ng Korte Suprema sa apat na pamilya sa Quezon City na nagreklamo sa isyu ng Oplan Tokhang.
Sinabi sa DWIZ ni Atty Rommel Bagares, Executive Director ng Center for International Law na wala na silang nakukuhang sumbong sa kanilang mga kliyente hinggil sa pagmamanman ng mga awtoridad sa mga ito.
“Malalaman naman po natin dahil sasabihin naman sa atin yan ng ating kliyente na kahit po may utos na an gating Korte Suprema ay patuloy pa rin po ang pagroronda sa kanila ng mga nasabing pulis, wala naman po simula nang maihain nag kasong ito sa Korte Suprema.” Ani Bagares
Kasabay nito, ipinabatid ni Bagares na natutuwa sila dahil sinuspindi ng Philippine National Police (PNP) ang Oplan Tokhang na aniya’y paraan ng mga pulis na makapang-abuso sa kanilang kapangyarihan.
“Talagang walang magagawa ang ating PNP kundi ikansela ito kung hindi mas malaking embarrassment dahil Korte Suprema na mismo magmumula ang order na ipapatigil ang Tokhang dahil talagang sa nakalipas na 7 buwan mahigit 7,000 na ang namatay at sunud-sunod po ang mga balita tungkol sa pang-aabuso dahil sa tokhang na ito.” Pahayag ni Bagares
By Judith Larino | Ratsada Balita (Interview)