Tatlong drug pushers ang patay sa isang buy-bust operation sa Talisay City, Cebu.
Kinilala ng police drug enforcement group (PDEG) ang tatlong drug personalities na sina Lihbon Kerr Bargayo, Christopher Lim at Boyet Rama.
Nasabat ng PDEG mula sa tatlo ang 10 kilo ng shabu na nagkakahalaga ng P68-M.
Ayon kay PDEG Director,Brig. Gen. Remus Medina, agad kumaripas ang mga suspek sakay ng kanilang getaway vehicle na isang itim na Toyota Vios nang mapansin ni Bargayo na mga pulis ang katransaksyon.
Nakipaghabulan sina Bargayo mula sa barangay campo 4 hanggang maharang sa transcentral highway sa Barangay Taptap sa tulong ng PNP-Highway Patrol Group, Cebu City Police Office, at Philippine Drug Enforcement Agency 7.
Narekober din mula sa tatlo ang isang caliber 45 pistol, caliber 38 revolver, M16 armalite rifle at pekeng pera na nagkakahalaga ng P2.8-M. — sa panulat ni Drew Nasino.
