Makararanas ng magdamagang water service interruption ang ilang bahagi ng Taguig at Makati City.
Ayon sa Manila Water, mayroong isasagawang valve installation sa Taguig mula alas-10 mamayang gabi hanggang alas-4 ng madaling araw bukas, Enero 30, kaya’t mawawalan ng suplay ng tubig sa Barangay South Signal.
Sa Makati City naman, alas-10 ng gabi hanggang alas-6 ng umaga bukas mawawalan ng suplay ng tubig sa Barangay Carmona dahil sa pipe maintenance activity ng Manila Water.
Pinayuhan ng Manila Water ang mga apektadong residente na mag-ipon ng sapat na tubig na kanilang kakailanganin sa oras ng interruption.
