Pinayagan nang makabalik sa kanilang mga bahay ang mga residente ng Batangas na lumikas noong Marso dahil sa muling pagsabog ng Taal Volcano.
Ito, ayon kay NDRRMC spokesman Mark Timbal, ay kasunod ng payo ng Disaster Risk Reduction and Management Council ng Calabarzon sa mga lokal na pamahalaan.
Magugunitang ibinaba na sa Alert level 2 ang status ng Bulkang Taal.
Marami anya sa mga lumikas ang bumalik na sa kanilang mga bahay habang isinara na rin ang ibang evacuation center.
Hanggang noong Marso 31 ay aabot sa mahigit 7,200 indibidwal ang naapektuhan ng muling pag-a-alburoto ng bulkan.