Nanawagan si Senador Christopher ‘Bong’ Go sa publiko na patuloy na suportahan ang ‘whole of the nation’ efforts ng administrasyon kontra COVID-19.
Ayon kay Go, para masuportahan ang laban ng pamahalaan sa COVID-19 nararapat lamang aniya na sumunod ang publiko sa umiiral na health protocols kontra sa virus.
Dagdag pa ni go, na imbes na magsisihanan ang bawat-isa nararapat lang anito na tulungan ang pamahalaan.
Giit pa ni Go, ginagawa ng pamahalaan ang abot ng makakaya nito para maibsan ang epekto ng pandemya sa pamamagitan ng pagbabalanse sa muling pagpapasigla ng ekonomiya.
Sa huli, binigyang diin ni Go na magtiwala ang sambayanan sa mga eksperto at kanilang payo para tuluyan nang masawata ang banta ng COVID-19.
