Hindi magtataas ng presyo ng kanilang produktong Paracetamol ang mga manufacturer.
Tiniyak ito ni Trade Undersecretary for Consumer Protection Ruth Castelo, sa gitna nang mataas na demand ng Paracetamol dahil sa dumaraming nagkakasakit simula nitong nakalipas na linggo.
Ayon pa kay Castelo, nangako rin ang manufacturers at retailers ng supply ng Paracetamol bagamat may temporary out of stock na nararanasan ngayon.
Muling ipinabatid ni Castelo na babalik sa normal ang supply ng Paracetamol ngayong weekend tulad na rin nang ipinangako ng manufacturers at retailers.
Magugunitang dinagsa ng publiko ang mga botika sa pagbabaka sakaling makabili ng Paracetamol kasunod ng ubo, sipon at lagnat na naranasan ng marami.
