Nakitang naka suot si Pangulong Rodrigo Duterte ng air purifier sa ilang okasyon na dinaluhan nito kamakailan.
Unang nakita ang pangulo na nakasuot nito sa welcome ceremony kay Indian President Ram Nath Kovind na sinundan pa nuong dumalo siya sa business conference at launching ng coal power plant sa Taguig.
Ayon kay Presidential Spokesman Salvador Panelo, layon ng naka kwintas na air purifier na protektahan ang pangulo mula sa mga taong may ubo at sipon sa paligid nito.
Ilang beses nang nagiging isyu ang kalagayan ng kalusugan ng pangulo ngunit ilang beses na rin itong pinabulaanan ng Malakanyang.
Nito ring linggo ay ibinulgar ni Senador Bong Go na naaksidente ang pangulo matapos na sumakay sa motorsiklo sa Malacañang complex.
