Mahigit P1-M halaga ng Siopao na naharang sa isang pantalan sa Bacolod ang ipinabalik sa Cebu.
Ayon kay Provincial Veterinary Office Animal Health and Meat Inspection Services Division chief Dr. Ryan Janoya, isang container van na naglalaman ng mahigit 50,000 piraso ng Siopao ang hindi pinayagang pumasok sa syudad dahil sa 90 – day ban sa pork at pork products mula sa Luzon.
Nagmula ang shipment sa Mandaue City, Cebu ngunit nakita na ang dokumento na ang manufacturing address nito sa Quezon Province kaya nagdesisyon ang Provincial African Swine Fever task force na ipabalik ito.
Sinabi ng task force na ang kanilang ipinatutupad na ban ay para maproteksiyonan ang P6-B industriya ng babuyan sa probinsya.