Tested negative but feeling positive.
Ganyan ang nilalaman ng maikling post ng aktres na si Sunshine Cruz matapos magnegatibo sa COVID-19.
Ayon kay Sunshine, noong March 27 ay sumalang siya sa RT-PCR test kung saan nag-positive siya sa mapaminsalang coronavirus.
Sa halip na labing-apat na araw, umabot naman ng 22 araw ang isolation period ng aktres bago tuluyang gumaling sa impeksiyon.
Abot-abot naman ang pasasalamat ng kanyang mga anak at mga kaibigan na nagdasal ding malampasan niya ang nasabing karamdaman.
