Isang sundalo ang nasawi matapos sumalpok ang kanyang sinasakyang motorsiklo sa isang trak sa Conner, Apayao.
Kinilala ang nasawing biktima na si Job Bayeng, nakatalaga sa 98th Infantry battalion ng Philippine Army na nakabase sa Kabugao, Apayao.
Batay sa report, pabalik sana sa kanilang kampo ang biktima nang salpukin ng isang mini dump truck na minamaneho ni Homer Doroteo matapos agawan ng linya ng trak ang motorsiklo.
Sa lakas ng impak ay pumasok sa loob ng windshield ng trak ang motorsiklo at bumaliktad sa kalsada.
Mabilis naman na isinugod sa ospital ang sundalo, kabilang ang driver ng trak at 2 nitong mga pahinante, subalit binawian ng buhay ang sundalo dahil sa malalang mga pinsala sa iba’t-ibang bahagi ng kanyang katawan.
