Arestado ang isang sundalo at dalawang iba pa matapos na lumabag sa ipinatutupad na Commision on Elections o COMELEC gun ban.
Nakilala ang mga akusado na sina Jeffrey Mora, kasapi ng 92nd Division Recon Company ng Philippine Army; Jaymar Mora , isang security guard at Celso Mora na isang magsasaka.
Ayon kay Police Superintendent Lorenzo Bacia, hepe ng Ligao City Police sa Albay, nagpapautok ng baril ang mga naturang lalaki habang lulan ng motorsiklo sa Barangay Tomolin sa nabanggit na lungsod.
Narekober aniya mula sa mga ito ang armscor na kalibre .45 na baril at ang getaway vehicle na kanilang ginamit.
Sinampahan na ng pulisya ng kasong illegal discharge of firearms at illegal possession of ammunition ang tatlong lalaki.
—-
