Idineklara ang ‘state of man made calamity’ sa Barangay Dungguan, Datu Montawal, Maguindanao dahil sa patuloy na bakbakan sa pagitan ng 2 field commanders ng Moro Islamic Liberation Front (MILF).
Ayon sa mga otoridad, 3 na ang namatay at 21 ang bilang ng mga sugatan dahil dito.
Nakiusap na ang ilang opisyal ng gobyerno at MILF kina Commander Butoh Mantol at Commander Paglas Balaumol na itigil na ang bakbakan.
Napilitang lumikas ang mga residente at suspendido na ang klase sa lahat ng antas sa lugar.
Nagbigay na ng ayuda at tulong ang lokal na pamahalaan sa mga apektado ng bakbakan.
