Binuksan na ng Social Security System (SSS) ang kanilang bagong sistema para makapaghain ng salary loan ang mga miyembro nito.
Ayon kay SSS President at Chief Executive Officer Aurora Ignacio, maaari nang makapaghain ng salary loan ang mga miyembro nito gamit ang pinakabagong bersyon ng kanilang online app.
Kabilang aniya sa bagong features nito ay ang redesigned dashboard kung saan, maaaring i-monitor ng mga miyembro ang kanilang kontribusyon, salary loan status at payment services.
Sa kasalukuyan, sinabi ni ignacio na nakatatanggap sila ng 85K transaksyon kada araw habang pumalo na sa mahigit 15 Milyon miyembro ng SSS ang nagdownload na ng bagong mobile app nito.
