Naniniwala ang National Economic and Development Authority (NEDA) na bababa sa single digit ang poverty rate ng bansa sa 2028 kasabay ng pagtatapos ng termino ni Pangulong Ferdinand Marcos Jr.
Ayon kay NEDA Undersecretary Rosemarie Edillon, magiging posible ito dahil sa catch-up plan ni Pangulong Marcos na magpapalakas sa ekonomiya.
Dagdag naman ng NEDA official, naging mabilis ang pagbangon ng labor market dahil na rin sa skills ng Filipino workforce.
Matatandaang bumagal ang paglago ng ekonomiya dahil sa Covid-19 pandemic.
Samantala, naitalang pinakamalaki ang naging ambag ng Central Luzon, Calabarzon, at National Capital Region (NCR) sa gross domestic product (GDP) ng bansa.