Nananatili pa ring nakataas ang signal number 2 sa lalawigan ng Batanes dahil sa bagyong Helen.
Nakataas naman ang signal number 1 sa northern Cagayan at Babuyan Group of Islands.
Ang bagyo ay huling namataan sa layong 320 kilometro sa hilagang silangan ng bayan ng Basco.
Taglay nito ang lakas ng hanging aabot 160 kilometers per hour malapit sa gitna at pagbugsong aabot sa 195 kph.
Inaasahang kikilos ang bagyo ng pa-kanluran hilagang-kanluran sa bilis na 20 kph.
Samantala, masungit na panahon ang mararanasan sa mga isla ng Batanes habang makakaranas din ng mga pag-ulan na may pagbugso ng hangin ang hilagang Cagayan at mga isla ng Babuyan.
Inaasahan naman ang mga rainshowers at thunderstorms sa MIMAROPA, kanlurang Visayas, mga lalawigan ng Batangas, Cavite, Zambales, Bataan, Ilocos Norte, Apayao at natitirang bahagi ng Cagayan.
By Jelbert Perdez
