Naghahanda na ng depensa ang kampo ni On-leave Chief Justice Maria Lourdes Sereno sa oras na iakyat na sa senado ang impeachment case ng punong mahistrado.
Kasunod ito ng ginawang pag apruba kaninang umaga ng House Justice Committee sa Committee Report kaakibat ang Articles of Impeachment laban kay Sereno
Ayon kay Atty. Josalee Deinla , isa sa mga tagapagsalita ni Sereno, hindi na nila ikinagulat ang hakbang na ito ng mababang kapulungan at sa ngayon ay inilalatag na nila ang mga legal strategy upang kontrahin ang mga alegasyon na nakasaad sa inaprubahang Articles of Impeachment.
Giit pa ni Deinla , walang impeachable offense na nagawa si Sereno taliwas sa nilalaman ng inaprubahang Articles of Impeachment.
