Nagpaabot ng pakikiramay ang Malakanyang sa pamilya ng mga biktima ng nangyaring sunog sa Waterfront Manila Pavilion Hotel and Casino at pagbagsak ng eroplano sa Plaridel , Bulacan.
Sa pagsisimula ng kanyang press briefing sa Camarines Sur Polytechnic Colleges Auditorium , nag – alay si Presidential Spokesman Harry Roque ng isang maikling panalangin para sa lahat ng nasawi.
Ayon kay Roque , maging sila ay nalulungkot at nagluluksa sa nangyaring magkasunod na trahedya nito lamang weekend.
Batay sa pinakahuling ulat , umakyat na sa lima ang namatay sa sunog sa Manila Pavilion habang 10 naman ang nasawi sa pagbagsak ng isang light plane sa Bulacan.
-Jopel Pelenio
