Pinaalalahanan ng lokal na pamahalaan ng Valenzuela ang mga senior citizen kaugnay sa pagsali sa iba’t ibang samahan at organisasyong hindi accredited ng gobyerno at nangangako ng mga benepisyo.
Sinabi ni Valenzuela City Mayor Wes Gatchalian, hindi na kinakailangang sumali o mag pa-miyembro pa sa mga ito upang makakuha ng anumang benepisyo na ipinagkakaloob ng lungsod.
Ipinabatid pa ng alkalde na ang mga senior citizen na mayroong katanungan hinggil sa kanilang benepisyo ay maaaring makipag-ugnayan sa Office of Senior Citizens Affairs.—mula sa panulat ni Maize Aliño-Dayundayon
