Patay ang 60-anyos na Lola matapos matuklaw ng isang king cobra sa President Roxas, Cotabato.
Naisugod pa sa ospital ang biktima na kinilalang si Merlyn Apistar Baylon, ngunit binawian rin agad ito ng buhay.
Itinuturing ang king cobra na hari dahil mga ahas din ang kinakain ng mga ito at kayang pumatay ng kamandag nito ng tao sa loob lamang ng isang minuto.
Tinuturing ang king cobra bilang pinakamahabang venomous snake sa buong mundo.
Wala pang anti-venom sa mga king cobra, na isa rin sa lubhang ikinababahala ng mga residente ng nasabing probinsiya.—mula sa panulat ni Maize Aliño-Dayundayon
