Nanindigan si Senadora Leila de Lima na hindi siya kailanman magbibitiw sa kanyang puwesto bilang senador ng bayan.
Ito ang binigyang diin ng senadora sa harap na rin ng mga batikos na kanyang natatanggap gayundin bilang tugon sa panawagang pagbibitiw niya sa puwesto.
Ayon kay De Lima, personal niyang desisyon kung magbibitiw siya sa puwesto at hindi siya kayang diktahan ng kahit sino.
Magugunitang hinamon ni Presidential Chief Legal Counsel Atty. Sal Panelo si De Lima na mag-resign na lamang sa ngalan ng delicadeza.
Ito’y makaraang aminin mismo ni De Lima sa harap ng publiko ang naging relasyon nito sa kanyang dating driver at bodyguard na si Ronnie Dayan.
By Jaymark Dagala
