Binatikos ni Senate Minority Leader Senator Franklin Drilon ang Philippine Statistics Authority o PSA matapos mabigong magbigay ng tamang datos na makakatulong sana sa kampanya ng pamahalaan kontra droga.
Ito’y sa kalagitnaan ng isyu dala ng kalituhan sa tamang datos o istatistika ng may kinalaman sa kampanya kontra droga ng pamahalaan na naging dahilan din ng pagkasibak ng isang mataas na opisyal ng DDB o Dangerous Drugs Board.
Matatandaan na sinibak sa puwesto si dating DDB Chair Benjamin Reyes matapos salungatin ang datos ng gobyerno kaugnay sa bilang ng mga nalulong sa iligal na droga.
Giit pa ni Drilon dapat sa PSA nanggagaling ang opisyal na tala o istatistika ng pamahalaan na kung saan isang mapagkakatiwalaang datos na maaaring mapagbasehan sa paggawa ng isang polisiya.
—-