Nilinaw ni Senate President Aquilino “Koko” Pimentel na listahan lamang ni House Speaker Pantaleon Alvarez ang binanggit nitong line-up o partial list ng mga kandidato ng PDP-Laban para sa pagka-senador sa 2019 elections.
Kabilang sa inanunsyo ni Alvarez na pambato sa 2019 ay sina Presidential Spokesman Harry Roque at Presidential Communcations Assistant Secretary Mocha Uson.
Paliwanag ni Pimentel, hindi pa pinal at wala pang desisyon ang partido para sa senate slate nito sa halalan sa 2019.
Ang proseso umano ng pagde-desisyon dito ay pinagpupulungan ng buong partido kasama ang chairman nito na si Pangulong Rodrigo Duterte.
Dagdag pa ni Pimentel, posible rin naman ikunsidera ang listahan ni Alvarez na kanyang nominees lamang gayundin ang kanyang napipisil na kandidato na si Sen. JV Ejercito.
Asahang i-a-anunsyo ng PDP-Laban ang kanilang opisyal na listahan isa o dalawang linggo bago ang paghahain ng certificate of candidacy.
