Inaprubahan ng Sandiganbayan 6th Division ang hirit ni Senator JV Ejercito na makalabas ng bansa patungong Japan mula Agosto 23 hanggang 26.
Sa dalawang pahinang mosyon ni Ejercito, kanyang sinabi na inimbitahan siya sa Asia Pacific Parliamentarian Forum on Global Health sa Japan.
Sinabi rin ng senador na hindi siya maituturing na flight risk at wala siyang intensyong tumakas dahil kasalukuyan siyang nakaupo bilang senador.
Isinama rin ni Ejercito sa kanyang isinumiteng mosyon ang authorization to travel mula kay Senate President Koko Pimentel.
