Nagkausap na sina President-elect Rodrigo Duterte at Senador Aquilino Pimentel III.
Nabatid na kasama ni Pimentel si Senador Sonny Angara nang makipagpulong ito kay duterte.
Pero, bandang huli ay nagkaroon ng one-on-one meeting sina Duterte at Pimentel.
Sa nasabing pagpupulong, iprinisinta ni Pimentel kay Duterte ang resolusyon na may lagda ng 14 na Senador na sumusuporta sa kanya bilang Senate President.
Bukod dito, ibinigay din ni Pimentel kay Duterte ang resolusyon na pirmado ng mga Senador na nagpapahayag ng suporta sa legislative agenda ng papasok na administrasyon.
Kalakip ng resolusyon ang suporta ng mga Senador sa Federalismo; all-out peace; all-out war against crime, drugs and corruption; income tax reform; inclusive reforms; at budget reforms.
By: Meann Tabio
