Nagpahayag na ng suporta si Senador JV Ejercito kay Senador Grace Poe sakaling mag-desisyon itong tumakbo bilang Pangulo ng bansa sa 2016.
Sa kanyang talumpati sa selebrasyon ng Independence Day sa pinaglabanan shrine sa San Juan, sinabi ni Ejercito na susuportahan niya ang kanyang itinuturing na kapatid kahit na magkaiba pa ang kanilang partido.
Matatandaan na si Vice President Jejomar Binay ang standard bearer ng UNA, ang partidong kinabibilangan ni Ejercito samantalang independent candidate naman si Poe na hanggang sa ngayon ay wala pa ring desisyon kung tatakbo bilang Pangulo ng bansa.
Matatandaan na matalik na magkaibigan ang ama ni Senador JV Ejercito na si dating Pangulo at ngayon ay Manila Mayor Joseph Estrada at ang ama ni senador Grace Poe na si Fernando Poe Jr. na tumakbo ring Pangulo ng bansa.
By Mariboy Ysibido