Itulad sa seguridad sa Traslacion ng Itim na Nazareno ang dapat na ipatupad sa idaraos na Miss Universe pageant sa bansa.
Ito ang mungkahi ng Armed Forces of the Philippines (AFP) sa Pambansang Pulisya matapos ang matagumpay na pagdaraos ng Traslacion noong Lunes.
Ayon kay Col. Edgard Arevalo, hepe ng AFP Public Affairs Office, ang AFP ang magsisilbing active support ng PNP para matiyak ang seguridad ng mga kasali at bumubuo sa Miss Universe pageant.
Sa katunayan ay nagpadala na aniya ang militar ng mga sundalo sa Davao City para tumulong sa pagbibigay ng seguridad sa magiging event doon ng Miss Universe.
By Ralph Obina