Nanindigan si Defense Secretary Delfin Lorenzana na hindi nila ititigil ang operasyon ng Militar laban sa New People’s Army.
Sa harap na rin ito ng kahilingan ng National Democratic Front o NDF na ihinto ng Militar ang mga operasyon para magpatuloy ang Peacetalks.
Ayon kay Lorenza, hindi ito dapat gawing kondisyon ng NDF sa paglagda nito sa Bilateral Agreement para sa Peacetalks, dahil hindi naman ang NDF ang nakakabakbakan ng mga sundalo sa grounds kundi ang mga NPA.
Iginiit pa ni Lorenzana na wala sa posisyon ang CPP-NPA-NDF para sabihing nanghihimasok sa kanilang balwarte ang Militar sapagkat una sa lahat ay wala silang anumang pag aari, bagkus pag-aari ito ng gobyerno at maaaring puntahan ng Militar at pulis para ipatupad ang batas ng Republika ng Pilipinas.
By: Meann Tanbio / Jonathan Andal
