Kumpiyansa ang Malacañang na kakatigan ng Korte Suprema ang Enhanced Defense Cooperation Agreement o EDCA na nilagdaan sa pagitan ng Pilipinas at Amerika noong isang taon.
Ginawa ni Presidential Communications Secretary Sonny Coloma Jr. ang pahayag sa gitna ng napipintong pagtalakay ng Mataas na Hukuman sa usapin bukas.
Pagkatapos ng deliberasyon ng mga mahistrado, inaasahang maglalabas na rin ito ng desisyon hinggil sa naturang usapin.
Ipinagdiinan ni Coloma na hindi labag sa Saligang Batas ang EDCA at naaayon ito sa Visiting Forces Agreement at Mutual Defense Treaty Provisions.
By Jelbert Perdez
