Humingi ng paumanhin si Pang. Rodrigo Duterte matapos ang kanyang naunang desisyon na payagan ang Online-sabong operations.
Ito’y sa kabila ng mga ulat na nalululong na ang mga mananaya at nalulubog sa utang bukod pa sa ilang dinukot na mga sabungero.
Sa kanyang talumpati sa inspeksyon ng Main campus ng National Academy of Sports sa New Clark City sa Capas, Tarlac, binigyang-diin ni Pangulong Duterte ang napakalaking halagang ipinapasok ng E-sabong sa kaban ng Gobyerno.
Gayunman, aminado ang Punong Ehekutibo na huli na nang napagtanto niya ang katotohanang may kapalit ang napakalaking pera ang kinikita ng pamahalaan sa nabanggit na sugal.
