Sinabi ni Justice Secretary Vitaliano Aguirre na dulot lamang ng matinding galit ni Pangulong Rodrigo Duterte sa talamak ng iligal na droga sa bansa ang naging pahayag niya kamakailan tungkol sa martial law.
Ayon kay Aguirre, isa sa ikinagalit ng Pangulo ang bilyun-bilyong halaga ng iligal na droga na nasamsam sa raid ng NBI noong Disyembre sa San Juan City.
Sinabi ng kalihim, hindi na dapat ikagulat at palakihin ng publiko at ng media ang mga ganitong uri ng bulalas ni Pangulong Duterte dahil may dahilan naman, aniya, ang galit ng Presidente.
Gayunpaman, kumpyansa si Aguirre na hindi magdedeklara ng batas militar si Pangulong Duterte.
By: Avee Devierte
