Magpapalabas ng scented stamps ang Philippine Postal Corporation bilang pakikiisa sa pagdiriwang ng Araw ng mga Puso o Valentine’s Day.
Layon nitong hikayatin ang mga Pilipino na ibalik ang snail mail o ang tradisyunal na pagpapadala ng liham sa kanilang mga mahal sa buhay.
Ayon sa PhilPost, aabot sa 101,000 special Valentine’s Day stamp na amoy rosas ang kanilang iimprenta.
Dagdag pa ng PhilPost, sa pamamagitan anila ng amoy rosas na stamp, para na ring nagbigay ng bulaklak ang isang tao sa kanyang minamahal bagama’t hindi mabulaklak ang mga isinasaad dito.
Mabibili ang bawat specialized scented stamps sa halagang P25 bawat isa.
By Jaymark Dagala
