Hindi tatakbo sa pagka-Pangulo si Davao City Mayor Sara Duterte-Carpio kung tatakbo bilang Bise Presidente si Pangulong Rodrigo Duterte sa halalan 2022.
Ito ay ayon kay Chief Presidential Legal Counsel Salvador Panelo, hindi papayag na makipaglaban ang Alkalde sa kanyang ama para sa pansarili lamang na kadahilanan.
Sinabi rin ni Panelo, na wala pang kasiguraduhan kung ikokonsidera ng Alkalde ang pagtakbo bilang Pangulo sa 2022 elections.
Ilang beses rin aniya sinabi ni Sara Duterte na walang mangyayaring Duterte-Duterte tandem sa susunod na halalan.
Aniya, sinabihan rin nito si Mayor Sara na kung hindi tatakbo sa pagka-Pangulo ay mamili sila ng nararapat na tatakbo sa naturang posisyon.
Sinabi pa ni Panelo na dapat sabihin ng mas maaaga kung hindi na ito tatakbo upang maikonsidera nila si Sen. Bong Go sa pagtakbo bilang Pangulo ng bansa.
