Tiniyak ng liderato ng kamara na may sapat na pondo para sa bakuna kontra coronavirus disease 2019 (COVID-19) sa ilalim ng pambansang budget sa susunod na taon.
Ayon kay House Speaker Alan Peter Cayetano, sapat ang inilaang pondo ng pamahalaan para makabili ng bakuna maging sa isasagawang mga pag-aaral ukol dito.
Kasunod nito, hiling lang ni Cayetano sa pamunuan ng Inter-Agency Task Force (IATF) na bigyan sila ng tamang impormasyon para naman makatulong sa kongreso na makapaglaan ng tamang halaga sa pagbili ng mga ito.
Samantala, iginiit din ni Cayetano na sila’y nakikipag-ugnayan sa senado at sa mga miyembro ng gabinete para masigurong targeted at makatutulong sa laban ng pamahalaan kontra COVID-19 ang 2021 national budget.
