Patuloy na tinutunton ng Philippine National Police-Highway Patrol Group (PNP-HPG) ang sampo pang luxury vehicles na konektado sa dating kongresista na si Zaldy Co, na sinasabing sangkot sa maanomalyang flood control project.
Ayon kay HPG Acting Director Police Colonel Hansel Marantan, kung hawak ng ilang driver ang mga naturang sasakyan, dapat kusa itong isuko upang maiwasan ang pananagutang kriminal.
Hindi rin anya magagamit o maibebenta ang mga sasakyan dahil maaari itong masamsam anumang oras kapag nahuli sa kalsada.
Nilinaw ng HPG na nasa dalawampu’t apat na luxury vehicles ang iniimbestigahan ng kanilang grupo na may kaugnayan sa dating kongresista.
