Isinapubliko na ni Senadora Grace Poe ang kanyang Statement of Assets, Liabilities and Networth o SALN para sa taong 2015
Batay sa apat na pahinang SALN ng senadora, nakasaad na mayroon itong mahigit P126 na milyong pisong assets.
Ngunit nakapagtala naman siya ng mahigit P36 na milyong pisong liabilities kaya’t may kabuuan siyang networth na mahigit P81 milyong piso.
Ilan sa mga nakatalang liabilities ni Senadora Poe ay ang stock subscription balance payable, hinuhulugang pagkakautang para sa isang lote o lupain at binabayarang utang para sa isang sasakyan.
Maliban dito, idineklara rin ni Poe ang dalawang negosyo sa San Juan at Makati City, dalawang house and lot sa California sa Amerika at mahigit P400,000 pisong balanse sa bangko.
By Jaymark Dagala | Cely Bueno (Patrol 19)
