Ipauubaya na lamang ni El Shaddai servant leader Bro. Mike Velarde sa kanilang mga miyembro ang pagpapasya.
Ito’y sa kung sino ang nais nilang ihalal bilang susunod na mamumuno sa bansa sa darating na halalan sa Lunes, Mayo 9.
Inihayag ito ni Velarde makaraang hindi nito ituloy ang nakatakda sanang anunsyo nito kahapon kung sino ang kanilang ieendorso sa darating na eleksyon.
Gayunman, nagpaalala si Velarde sa kaniyang mga miyembro na mag-isip, magnilay at manalangin para sa tama, malinis at mapayapang pagboto.
Ngunit, inilathala ng isang pahayagan na nagsasabing ipinagpaliban umano ni Velarde ang kanyang mahalagang anunsyo kahapon at gagawin na lamang sa kanilang pagtitipon sa Araw ng Sabado.
By Jaymark Dagala
Photo Credit: gma
