Ipinagmalaki ng russia ang matagumpay nilang test launch sa isang hypersonic missile na tinagurian ni President Vladimir Putin bilang ideal weapon.
Ayon sa Defense Ministry, walang naging aberya sa kanilang isinagawang test at tinamaan ng hypersonic missile ang target nito.
Nagpalabas pa ng video ang Russian Defense Ministry na nagpapakita ng paglipad ng isang supersonic interceptor jet dala ang hypersonic missile kasunod ang pagkalas ng nasabing missile at pagtama sa target.
Una nang inihayag ni Putin sa kanyang State of the Nation Address o SONA na kanilang ipakikita ang ilan sa mga bagong armas ng Russia.
—-
