Tigil trabaho muna sa mundo ng showbiz ang aktor na si Ruru Madrid matapos magka-injury sa kaniyang kanang paa.
Sa Instagram post ng aktor, ibinahagi niya ang mga litrato kung saan, may suot na bandage ang paa nito.
Ayon kay Ruru, dahil sa kagustuhan niyang maging perfect ang scene, na-out balance siya sa ginawang stunt kung saan, na-twist ang kaniyang right foot.
Agad namang inalalayan ng mga medical staff ang aktor at kinalaunan ay dinala sa pinakamalapit na ospital mula sa kanilang lock-in taping location.
Agad na sinalang si Ruru sa X-ray at nakita ang minor fracture sa kaniyang paa at pinayuhan ng kaniyang doktor na magpahinga muna ng dalawa hanggang anim na linggo.
Ikinalungkot naman ng aktor ang nangyari pero labis ang pasasalamat niya sa mga tagasuporta na nag-alala at nagmalasakit sa kaniya. —sa panulat ni Angelica Doctolero
