Tinawag na desperadong manalo sa eleksyon ni Presidential Spokesperson Harry Roque ang mga pulitikong bumabatikos sa aksyon ng gobyerno kontra COVID-19 at sa administrasyon sa isinagawang pulong sa bayan ng Pangulong Rodrigo Duterte kagabi.
Ayon kay Roque, ginagamit ng mga pulitiko ang pandemya upang magpabango sa nalalapit na eleksyon sa 2022.
Tumitindi po ang pulitika dahil malapit na ang eleksyon at ginagamit po itong pandemya laban sa administrasyon,”pahayag ni Presidential Spokesperson Harry Roque.
Giit ni Roque, na kung meron pang konsensya ang mga pulitikong nagnanais na manalo ay tumulong na lang ito sa pamahalaan sa pag-iisip ng solusyon.
Kung meron pa pong konsensya ang nais manalo, na desperadong manalo ay sana po tumulong na lang po sila, magbigay ng solusyon dito sa problemang ito, kaysa pinagsasamantalahan po ang pandemya para sa kanilang selfish political gains,″pahayag ni Presidential Spokesperson Harry Roque,″wika ni Roque.
Samantala, tinawag namang bulok na style ng Pangulong Duterte ang nasabing klase ng pamamaraan ng mga pulitiko.
If you want to appear white, you paint the other guy black para ang labas mo puting-puti ka si Mr. Clean parang ganun yan e’, stlye bulok,″pahayag ng Pangulong Rodrigo Duterte.— sa panulat ni Agustina Nolasco