Nagpaabiso na ang Department of Public Works and Highways o DPWH hinggil sa isasagawang reblocking sa bahagi ng EDSA Cubao.
Magsisimula ang reblocking alas-10:00 mamayang gabi na tatagal hanggang alas-5:00 ng umaga ng Lunes, Disyembre 7.
Apektado ang first lane ng bahagi ng southbound lane ng EDSA mula Aurora Boulevard hanggang P. Tuazon Street.
Maging ang second lane ng northbound lane mula sa New York Street hanggang sa K-10 Street.
Dahil dito, pinapayuhan ng DPWH ang mga motorista na iwasan muna ang amg apektadong lugar upang hindi maipit sa matinding trapik.
By Ralph Obina
