Nasawi ang isang rider makaraang pagbabarilin ng umano’y nakaalitan niyang lalaki sa Barangay Tagbac, Jaro district, Iloilo City.
Ayon sa pulisya, ang hindi pinangalanang biktima na 19 taong gulang ay galing sa bayan ng Leganes at nagtungo sa isang convenience store kasama ang kanyang nakababatang kapatid.
Nabatid na pansamantalang iniwan ng biktima ang kanyang kapatid sa tindahan para magpagasolina at doon na nangyari ang pamamaslang.
Inaalam pa rin ng mga awtoridad ang pagkakakilanlan ng nakatakas na salarin.
