Nabitin pa ang pag-aani ng palay sa Cabanatuan, Nueva Ecija dahil sa bagyong Karding.
Ayon sa Local Government Unit, sinuway sila ng mga magsasaka sa direktibang anihin na ng maaga ang palay para makaiwas sa bagyo, dahil sa katuwirang papasibol pa lamang ang palay.
Alas-9 kagabi ay hinagupit na ng malakas na ulan at hangin ang Cabanatuan na nawalan din ng kuryente matapos magbagsakan ang mga poste ng kuryente.
Nailikas naman ang 81 pamilyang Dumagat sa Gabaldon at 102 pamilya sa Cabanatuan bago pa man manalasa ang bagyong Karding.
