Patuloy ang isinasagawang paghahanap ng awtoridad sa mga survivor matapos tumama ang malakas na ipo-ipo sa anim na estado sa Amerika.
Ito’y makaraang nakapag-ulat na nasa halos 80 katao ang nasawi kabilang ang mga empleyado ng pagawaan ng kandila habang 40 sa kanila ang nailigtas.
Idineklara naman ni US President Joe Biden na isang disaster ang nangyaring insidente sa Kentucky na labis na nakaapekto sa maraming residente.
Bukod kasi sa Kentucky, tumama rin ang tornado sa Arkansan, Illinois, Mississippi, Missouri, Tennessee.
Tiniyak naman ni US President Biden na ginagawa ng kanilang mga tauhan ang lahat para maibigay ang sapat na tulong sa mga biktima.
