Nanindigan ang embahada ng Pilipinas sa Kuwait sa posisyon nito na “no negotiation policy” sa kaso ng Pinay domestic worker na tinorture hanggang sa mamatay ng kaniyang babaeng amo dahil sa selos noong 2019.
Ito’y matapos maglabas ng desisyon ang Kuwait Criminal Court na death sentence para sa among pumatay kay Jeanelyn Padernal Villavende.
Ayon kay Ambassador Mohd. Noordin Pendosina Lomondot, nananatili ang kanilang posisyon na walang mangyayaring negosasyon at ituloy ang ipapataw na parusang kamatayan sa amo ni Villavende.
Si Villavende ay isang Filipino household worker na pinatay ng kaniyang Kuwaiti employer noong December 2019.
