Umalma si Albay Representative Edcel Lagman matapos na hindi bigyan ng pondo ang mga proyektong imprastraktura ng mga mambabatas mula sa oposisyon.
Ayon kay Lagman, ang zero allocation sa oposisyon lawmakers ay isang paraan upang parusahan at patahimikin ang mga ito.
Gayung ang magdurusa dito ang mga nasasakupan ng mga nasabing mambabatas.
Kapuna – puna din aniya na ang mga miyembro ng tinaguriang Magnificent Seven ay hindi nakatanggap ng alokasyon sa inaprubahang 2018 national budget para sa kanilang mga proyekto.
Kabilang sa nasabing mga mambabatas sina caloocan Representative Edgar Erice, Ifugao Representative Teddy Baguilat Jr, capiz Representative Emmanuel Billones, Northern Samar Representative Raul Daza, Magdalo Partylist Representative Gary Alejano at Akbayan Partylist Representative Tom Villarin.
Sinabi pa ni Lagman na ang mga nakatakda sanang proyekto ng mga mambabatas ay nakapaloob sa general appropriations bill na nakapasa sa ikatlo at huling pagbasa sa House of Representatives at ipinatanggal ni Speaker Pantaleon Alvarez noong bicameral conference meeting.
