Aabot sa kalahating bilyong pisong halaga ng mga hindi dokumentadong luxury cars at motorsiklo ang nagdiskubre sa magkahiwalay na inspeksyong inilunsad sa dalawang showroom sa Quezon City at Pampanga.
Ayon sa Bureau of Customs, inilarga ang operasyon ng Manila International Container Port, National Bureau of Investigation Philippine Coast Guard sa Xavierville Subdivision, Quezon City at San Simon, Pampanga.
Nakatanggap ng intelligence report ang mga otoridad na may mga smuggled luxury cars sa mga naturang lugar.
Kabilang sa mga nadiskubre ay Lamborghini, Jaguar, Ferrari, Mercedes Benz at mga mamahaling motorsiklo gaya ng Ducati na pag-aari umano ng ilang negosyanteng chinese.
Walang kaukulang importation documents ang mga nadiskubreng sasakyan habang binigyan na ng 15 ang mga may-ari ng nasabat na luxury vehicles upang ipakita ang kanilang mga dokumento. –Sa panulat ni Drew Nacino