Hiniling ng ilang local government units sa pamahalaan na payagan silang makapagbukas ng mga sementeryo sa Oktubre 30 hanggang 31 bilang paggunita sa undas.
Ayon kay League of Provinces of the Philippines President at Marinduque Governor Presibitero Velasco Junior, kahit ipasara ang mga sementeryo sa undas ay daragsaan pa rin ang mga ito sa ibang araw.
Handa naman anya ang mga local government units na magpatupad ng mahigpit na mga health at safety protocol kontra Covid-19.
Magugunitang nagpasa na ng resolusyon ang Inter-Agency Task force na ipasara ang lahat ng sementeryo simula Oktubre 29 hanggang Nobyembre 2 upang maiwasan ang hawaan ng Covid-19. –Sa panulat ni Drew Nacino
