Mahigpit na binabantayan ng Armed Forces of the Philippines (AFP) ang galaw ng mga miyembro ng New People’s Army (NPA) sa iba’t ibang panig ng bansa.
Ito’y ayon kay AFP Chief of Staff Gen. Gilbert Gapay kasunod ng ika-52 anibersaryo ng Communist Party of the Philippines (CPP) ngayong araw.
Ayon kay Gapay, dahil walang umiiral na tigil putukan sa magkabilang panig ngayong panahon ng kapaskuhan, tiyak aniyang may nakakasa nang pagsalakay ang mga rebelde.
Dahil dito, sinabi ni Gapay na nananatiling naka-taas ang red alert status upang pigilan ang anuman pagtatangka ng mga rebelde na sirain ang katahimikan at kaayusan ng bansa.
